Пожарникарите гаснеа запалена просторија со котел за парно затоплување

Денеска во 05:45 часот, на ул.„Крушевска Република“, ТППЕ Струмица со едно против пожарно возило и 5 пожарникари – спасители интервенираше на гасење на запалена просторија со котел за парно греење, информираа струмичките пожарникари.

Благодарение на навремената дојава од страна на сопственикот и брзата интервенција на ТППЕ Струмица, пожарот е успешно локализиран и ликвидиран. Спречено е негово ширење на погорните катови од куќата и соседите објекти.