Осумнаесетгодишен мотоциклист потешко повреден во сообраќајка во Струмица, повредена и сопатничката
Костадинов во Будва ги пренесува искуствата од работењето на Локалниот совет за превенција
-Нема поголема чест за еден градоначалник, кога позитивните искуства од општинското работење ги пренесува надвор од државата, како пример којшто треба да се следи и почитува.Токму таа чест ја имав денеска на работилницата на Регионалниот хаб на Мрежата на силни градови за Западен Балкан, која се одржува во Будва, Црна Гора, објави градоначалникот Костадин Костадинов.
-Локалниот совет за превенција кој е најактивен во државата и преку кој на локално ниво решивме проблеми кои изгледаа нерешливи, беше препознат од Мрежата на силни градови и ја добивме поканата за учество на работилницата на тема „Зајакнување на улогата на градовите за справување со омразата, екстремизмот, поларизацијата преку подобрена соработка помеѓу националното и локалното ниво“.Моите мисија и цел се, искуствата и добрите практики секогаш да бидат презентирани и споделени, соодветно. Меѓуресорската и институционалната соработка, локално, се многу важни. Но, без ваков вид на регионални средби успехот нема да биде целосен. Предизвиците за кои денес зборувавме не познаваат граници и токму затоа, свесни за потребата од нивна превенција треба и мора да разговараме, да се слушаме и охрабруваме во правец на изнаоѓање соодветни решенија.Им благодарам на сите што ја препознаа нашата работа и не поканија, а кои за возврат добија едно искуство повеќе, наше, струмичко.Мрежата на силни градови доби сериозен партнер во решавањето на предизвиците со кои се соочува Западен Балкан, напиша струмичкиот градоначалник.