Полициски билтен:физички напади и пресметки, пожар во куќа во Радовиш

На 06.04.2024 во 12.20 часот во Полициското одделение Ново село, В.П.(75) од село Зубово, струмичко, пријавил дека околу 10.30 часот во село Зубово бил физички нападнат од Ј.„Н“. Се преземаат мерки за расчистување на случајот.

На 06.04.2023 во 16.30 часот во Полициската станица Струмица било пријавено дека пред угостителски објект во Струмица бил нарушен јавниот ред и мир со физичка пресметка помеѓу Ј.Ј.(40) и А.Ј.(18), двајцата од село Баница, струмичко, од една страна и М.Б.(39) од Струмица од друга страна. По целосно расчистување на случајот ќе биде поднесена соодветна пријава.

На 06.04.2024 бо 12.05 часот во Полициската станица Радовиш, Р.Р.(30) од село Трпејца, охридско, пријавил дека околу 01.00 часот во угостителски објект во Радовиш бил физички нападнат од В.Ј.(32) од Радовиш. Полициската станица Радовиш, по целосно расчистување на случајот, ќе поднесе соодветна пријава.

На 07.04.2024 во 01.10 часот во Полициската станица Радовиш бил приведен Р.Е.(18) од село Раклиш, радовишко. Тој, претходно, на булевар „Александар Македонски“ во Радовиш учествувал во физичка пресметка со Д.В.(48) од Радовиш и двајца малолетници од село Подареш, радовишко. Лицето е задржано во Полициската станица Радовиш и по целосно расчистување на случајот ќе биде поднесена соодветна пријава.

На 06.04.2024 во 22.35 часот во Полициската станица Радовиш било пријавено дека настанал пожар во куќата на М.А. на улица „Шаин маале“ во Радовиш. Од екипа на Територијалната противпожарна единица Радовиш пожарот бил изгаснат, а повредени лица нема. Увид на местото извршила екипа на ОВР Радовиш.