Полициски билтен:пронајдена марихуана, обид за тешка кражба и физички напад во Радовиш

На 20.01.2025 во 16.00 часот во Радовиш, полициски службеници од СВР Струмица-ОВР Радовиш го лишиле од слобода М.С.(27) од Радовиш. При претрес во неговиот дом, извршен со судска наредба, била пронајдена и одземена марихуана. За настанот бил запознаен јавен обвинител од Основното јавно обвинителство Радовиш, а по документирање на случајот против него ќе биде поднесен соодветен поднесок.

На 20.01.2025 во 22.20 часот во Радовиш, полициски службеници од СВР Струмица-ОВР Радовиш го лишиле од слобода Ј.Т.(25) од Радовиш. Тој се сомничи дека околу 19.00 часот се обидел да изврши тешка кражба во куќа сопственост на Г.С.(77) од Радовиш. Во службениот разговор Ј.Т. го признал делото. Тој бил задржан во Полициската станица Радовиш, за настанот бил запознаен јавен обвинител од Основното јавно обвинителство Радовиш и по негово целосно документирање против Ј.Т. ќе биде поднесена соодветна пријава.

На 21.01.2025 во 00.50 часот во Полициската станица Радовиш, Т.Р.(29) од радовишкото село Калуѓерица пријавил дека околу 00.10 часот на бензинска пумпа во село Калуѓерица, тој и неговиот братучед А.Ј. биле физички нападнати од К.Ј. и Ф.Ј., двајцата од село Воиславци, радовишко. Полициската станица Радовиш презема мерки за целосно расчистување на случајот.