Се одржаа традиционалните 47. ноќни крос трки во Струмица
Синоќа во Струмица се одржаа традиционалните 47. Ноќни крос трки, на кои учествуваа над 600 ученици од основните и средните училишта од четирите општини на Струмичкиот регион.
Настанот се реализираше во организација на Меѓуопштинскиот сојуз на училишен спорт на Струмица, под покровителство на градоначалникот и Советот на Општина Струмица.
На настанот присуствуваше градоначалникот Петар Јанков, кој заедно со советникот за спорт, Ристе Ристов, и членовите на Советот на Општина Струмица, им ги додели наградите на најуспешните ученици.
Во рамки на настанот се одржаа 14 трки во машка и женска конкуренција, во различни возрасни категории, со што уште еднаш се потврдија значењето на спортот, физичката активност и поттикнувањето на натпреварувачкиот дух кај младите.
