Средношколци со мирен протест побараа враќање во клупите

Со мирен протест, кој се одржаа попладнево на Плоштадот „Гоце Делчев“, средношколци од Струмица побараа да се вратат во училиштата и да продолжат со настава.

Со транпаренти „Назад во клупа“, „Неписменоста е полоша од вирус“ и „Протестирам за мене, за тебе, за сите“, средношколците им порачаа на надлежните дека вистинскиот проблем ќе се случи кога ќе ќе ја изгубат довербата во образовниот систем  и затоа бараат да се вратат на настава.

-Знаеме колку онлајн наставата е „ефикасна“ и колку секој од нас го поседува потребниот електронски уред за функционирање со истата. Затоа ова е повик до надлежните да го слушнат нашиот глас и да го слушнат нашето мислење, зашто во спротивно ќе ја убијат желбата за напредок и ќе ни ја закопаат иднината со тоа, рече средношколката Катерина Гонева.

Пред средношколците се обрати и ученичката Лилјана Коцева, која подвлече дека треба да се оди на училиште, бидејќи моќта на образованието е неоспорна.

Рекоа дека се подготвени да посетуваат и комбинирана настава, но најавија и продолжување на протестите доколку нивните барања не се прифатат.