Честитка од градоначалникот Костадинов по повод празникот Успение на Пресвета Богородица

Градоначалникот Костадин Костадинов денес преку својот ФБ канал им го честита на граѓаните на Струмица празникот Успение на Пресвета Богородица.

,,Почитувани благочестиви христијани,

Денес го одбележуваме 28 Август, денот на заминувањето од земниот свет на Богомајката-Богородица.

Денешниот празник Успение на Пресвета Богородица, или Голема Богородица, е еден од најзначајните празници во христијанскиот свет, и како таков треба да го празнуваме со љубов, верба и надеж во нашето спасение.

Да ја чествуваме Мајката Божја со должна почит, и да го празнуваме нејзиното Успение од длабочините на нашите срца и души, таму кајшто се корените на нашата христијанска вера.

Нека Ви е честита и за многу години Голема Богородица”