Димитар Арапов најуспешен во суперфиналето во стрелање летечки мети-дисциплина Трап

Вчера на стрелиштето на ЛД “БЕЛАСИЦА” се одржа Супер Финале на Југоисточниот регион во стрелање на летечки мети дисциплина Трап.

На Суперфиналниот натпревар учествуваа 21 стрелец, најдобро пласирани во Првенството, кое се состоеше од седум турнири на кои учествуваа над 60 стрелци.

Во првенството екипно прво место освои екипата на ЗЛР “ГОЦЕ ДЕЛЧЕВ” од Босилово, второпласирана беше екипата на ЗССК “РЕФЛЕКС” од Струмица, додека третото место и припадна на екипата “СИТИ ЕЛЕКТРИК” од Струмица.

Во Суперфиналето, кое беше натпреварување само во поединечен пласман, шампион за 2021 година е стрелецот на ЗССК “РЕФЛЕКС” – Димитар Арапов. Второто му припадна на Коста Тушев, а третото место го освои Зоран Јованов.