Доделени наградите на најуспешните млади творци од ликовниот конкурс по повод Републичките детски средби

Во фоајето на Домот на АРМ во Струмица денеска беше отворена ликовната изложба „Цвеќе 2021“, а на најдобрите млади ликовни творци им беа доделени наградите по повод Републичките детски средби.

Најдобри се делата на ученичките Ани Цветанова од ООУ „Видое Подгорец“ од Струмица и Марија Јанева од ООУ „Гоце Делчев“ од Босилово, двете втори награди ги добија Олга Димитриева од „Видое Подгорец“ и Анастасија Делева од „Свети Кирил и Методиј“ од Иловица, а четирите трети награди ги поделија учениците Лилјана Конеска од „Гоце Делчев„ од Вељуса, Даниела Стојкова од „Даме Груев“ од Куклиш, Мерије Мемедова од „Атанас Нивичански“ од Нова Маала и Марија Грозданова од „Видое Подгорец“ од Колешино. Беа доделени и повеќе посебни награди.

Настанот традиционално го организираше Домот за деца и млади „Благој Мучето“ од Струмица, а годинава на конкурсот поради пандемијата учествуваа само ученици од основни училишта од струмичко.

Денешната изложба беше во рамки на манифестацијата „Струмица град на културата 2021“.