Две лица повредени во пожар во три куќи на „Крушевска Република“ во Струмица

Две лица се повредени во пожар кој избувна претпладнево во 10:55 и зафати три куќи на улицата „Крушевска Република“ во Струмица.

Според инфрормациите од ТППЕ Струмица, во гаснењето на големиот пожар учествувале 5 против пожарни возила и 18 пожарникари, а пожарот бил изгаснат еден и пол час по пријавувањето.

-Денес, (сабота)22.06.2024 година, во 10.56 часот на улица Крушевска Република, над Момин бунар, ТППЕ Струмица со 5 ПП возила и 18 пожарникари-спасители интервенираше на гасење на запалени куќи. Опожарени се вкупно 3 куќи и причинета е значителна материјална штета. Во акцијата на гасење и спасување, пожарникарите-спасители од едната куќа успеаја да извлечат две постари лица кои беа повредени од пожарот и да ги предадат на екипите на брза помош. Пожарот е целосно ликвидиран, екипи од пожарникари-спасители остануваат на локацијата на пожарот заради евентуално разгорување поради високите температури, соопштија од ТППЕ Струмица.

Фото: Strumica online