„Еврохаб“ објави повик за обука за социјално претприемништво

Здружението за одржлив развој „Еврохаб агенда“ Струмица објавува повик за учесници на обуката за социјално претприемништво старт ап.

-Денес, во период на економска рецесија, социјалната економија во меѓународни рамки е една од главните прашања и е во фокус во европската јавна политика. Причината за ова е бидејќи социјалната економија се бори против социјалната исклученост и невработеноста. Луѓето кои немаат потребни квалификации и работно искуство, добиваат можност да се вратат на работа односно на пазарот на труд или да најдат послесно работа. Освен тоа, деинституционализацијата во многу европски земји како и во РС Македонија, е се поактуелна и овозможува простор за делување, отварање на социјални претријатија/ сервиси за да се одговри на овие прашања, но и полесно да младите и сите работоспособни граѓани станат социјални претриемачи. Во овие околности, социјалната економија се покажа како најдобра опција како дополнителен извор на вработување, бидејќи генерира работни места и го развива претприемништвото преку задоволување на социјалните потреби и овозможува социјално исклучените да бидат вклучени во тековните процеси, вели експертот во областа Сашко Јованов.

Проектот “Социјален клуч за старт ап” ги вклучува младите и долгорочно невработените мажи и жени во општина Струмица за решавање на социјалните проблеми преку социјалното претприемништво. Дознајте повеќе за овој концепт , развијте ги вашите идеи кои ќе бидат преточени во социјален бизин план и пријавете се на следниот линк: https://www.facebook.com/evrohab .

Проектот „Социјален клуч за стар ап“ го спроведува здружението ЕВРОХАБ АГЕНДА со финасиска поддршка од Г1 програмата на ЛЕР на општина Струмица.