Голем пожар на Беласица, над селото Смоларе, засега е под контрола

Денеска околу 16 часот избувна голема пожар на планината Беласица, над селото Смоларе, при што е зафатена поголема површина на најразновидна шума.

Според информацијата од ТППЕ Струмица, во гаснењето на пожарот учествувале вработени во „Македонски шуми“ и две против пожарни возила со шест пожарникари од ТППЕ Струмица.

Пожарот засега е ставен под контрола и догорува уште неколку места, а од рано наутро вработени во „Македонски шуми“ ќе извршат контрола и доколку има потреба повторно ќе интервенираат пожарникарите.

Фото: архива илустрација