Градоначалникот Костадинов го отвори 19. Астерфест

Во првите пет августовски дена во Струмица, филмовилите ќе бидат почестени со 24 филмови во конкуренција, од исто толку земји, и уште 4 филмови во ревијалната програма.

Тоа е понудата на 19 Интернационален филмски фестивал „Астерфест“ кој вечерва, под мотото „Кинореалност `24“, беше свечено отворен во струмичкиот амфитеатар.Во пресрет на големиот празник Илинден.

-Имав чест и задоволство, како генерален покровител, да го отворам Фестивалот и да им посакам добредојде во Струмица на филмските работници од земјата и странство, но и да ги поздравам струмичките вљубеници во „седмата уметност“. „Астерфест“, за првпат оваа година има соработка и со Европската филмска академија, со БАФТА, како и со двократните добитници на Американската филмска академија, високите претставници од Скандинавската филмска дистрибуција, кои се специјални гости на фестивалот.Искрени честитки за „главниот виновник“ за „Астерфест“ Горан Тренчовски и за добитникот на наградата „Астер“, македонскиот режисер Антонио Митрикески. На сите филмофили им посакувам вистинско уживање во филмската магија, напиша градоначалникот на Струмица Костадин Костадинов.