Полициски билтен: починало бебе во Богданци, пожар во Радовиш, пронајден канабис во Гевгелија
Градоначалникот Костадинов на дијалог за унапредување на средното стручно образование
Реформите во стручното образование се неопходен услов за креирање квалификуван и стручен кадар кој ќе одговара на потребите и барањата на пазарот на трудот, но и за зголемување на можноста за вработување на младите, што е наша примарна цел, објави градоначалникот на Струмица, Костадин Костадинов.
-Токму затоа, а и како Општина на којашто локалниот економски развој и е приоритет, денеска ја дадов мојата поддршка на дијалогот со министерот за образование и наука, господинот Јетон Шаќири и претставниците на Стопанската комора на Република Северна Македонија, Центарот за стручно образование, бизнис секторот и средните стручни училишта за унапредување на средното стручно образование, додава струмичкиот градоначалник.
-Јас и како градоначалник, но секако и како млад човек, ги поддржувам сите позитивни промени кои носат напредок, особено, кога станува збор за младите луѓе. Јас искрено верувам дека веќе наредната година, јас и министерот ќе бидеме само гости на таков еден настан, а кој изворно ќе биде поттикнат од бизнис секторот, напиша Костадинов.