Градоначалникот Костадинов на изложба на фотографии и песни од Тоше Проески

Градоначалникот Костадин Костадинов денеска беше на изложбата на фотографии и песни од Тодор Проески – Тоше „Животното дело на Тодор Проески низ хронологија на неговите музички настапи“ поставена во галеријата на Завод и Музеј – Струмица.

Оваа изложба е во заедничка соработка и организација меѓу НУ Завод и Музеј – Струмица и НУ Спомен куќа на Тодор Проески – Крушево, а поставени се 26 фотографии на канвас платно од музичките настапи на Тоше, негови фото сесии како и фотографии од приватни и семејни албуми.