Ограбен и претепан жител на Нова Маала

На 24.01.2022 во 20.30 часот во Полициската станица Струмица било пријавено дека М.О.(56) од село Нова Mаала, струмичко, бил физички нападнат во неговиот дом, при што му биле нанесени повреди и му биле одземени пари, информираа денеска од СВР Струмица.

М.О. бил пренесен во Медицински центар Струмица за укажување на лекарска помош, а увид на местото извршиле Јавен обвинител од Основно јавно обвинителство Струмица и екипа на СВР Струмица.