Општина Струмица набави нова опрема за пожарникарите

Денекса во ТППЕ Струмица пристигна противпожарна опрема и техника набавена од страна на Општина Струмица, објавија струмичките пожарникари.

Набавени се најнови модели на изолациони апарати за дишење кои се неопходни за гасење на пожари во затворен простор, комбинирани апарати на воздух и вода за гасење на пожари на отворен простор, грбни пумпи за гасење пожари на отворен простор, турбо млазници и црева.

Со набавката на оваа опрема значително се зголемува квалитетот и ефикасноста на интервенирање на ТППЕ Струмица во различни ситуации.

Во наредниот период се очекува набавка на специјална интервентна облека и лична заштитна опрема.