Општинска донација за брзи ковид тестови за Здравствен дом Радовиш

Општина Радовиш обезбеди 150 брзи ковид тестови за потребите на ЈЗУ Здравствен дом Радовиш на барање на директорката д-р Лимонка Илиевска.

Тестовите ги предаде градоначалникот Герасим Конзулов и воедно оствари средба со раководството на Здравствениот дом на која се разговараше за процесот на имунизација на населението.

Градоначалникот Конзулов ја потенцираше општинската поддршка за Здравствениот дом и изрази подготвеност за идна помош на оваа здравствената институција.

Инаку, брзите ковид тестови се користат за брзо детектирање на состојбата на пациентите и понатамошна интервенција во делот на лекувањето.