Полициски билтен: струмичанец два пати физички нападнат дома и на Цареви Кули, богданчанец пронајден починат во неговиот дом

На 10.09.2021 во 16.30 часот во СВР Струмица, М.Е.(22) од Струмица пријавил дека додека бил во неговиот дом во Струмица заедно со неговото семејство биле физички нападнат од М.Н., Е.Н., М.Н. и уште едно лице, по што пријавителот од пријавените со возило бил однесен на место викано „Цареви Кули“ каде повторно бил физички нападнат од претходно пријавените и уште две лица, соопштија денес од МВР.

Се преземаат мерки за расчистување на случајот.

На 10.09.2021 во 14.30 часот во Полициска станица Гевгелија било пријавено дека во неговиот дом во Богданци од неговата сопруга е пронајден починат Б.С.(79) кој имал здравствени проблеми. Лекар од итна медицинска помош Гевгелија констатирал смрт.

Увид на лице место извршила екипа од Полициска станица Гевгелија, а по овластување на јавен обвинител издадена е наредба за обдукција.