Поставени садови за собирање отпадни батерии во општински институции во Струмица

Од денеска во институциите кои се под надлежност на општина Струмица, како и основните и средните училишта, се воспостави организиран систем за собирање на отпадни батери преку поставување садови во соработка и партнерство со „Нула отпад“, соопштија од Општина Струмица.

Садовите за собирање на отпадни батерии се поставени во дваесет и пет институции низ општината.

-Со ова се прави значаен исчекор на одржливост и заштита на животната средина. Ова ќе придонесе за намалување на опасниот отпад на улиците, дивите депонии кои се создаваат покрај контејнерите и ќе влијае на подигањето на јавната свест. Заеднички придонесуваме да се намали влијанието на овој растечки проблем, но и да мотивираме повеќе луѓе да се грижат за себе и околината и да го селектираат опасниот отпад, стои во објавата од Општината.