fbpx

Се уредува просторот околу Габровските водопади

Општина Струмица информираше дека почна со дополнително уредување на просторот околу Габровските водопади, со проширување на патеката до третиот водопад во должина од 740 метри и со ширина од 1,5 метри во карпестиот дел и покривање со камен.

– Патеката ќе биде оградена, ќе има два моста и платформа на третиот водопад, а ќе се уредат и постоечките летниковци со маси и клупи. Со ова љубителите на природата ќе можат уште повеќе да уживаат во убавините на овој водопад, велат од општината.

Средствата за овој зафат во висина од 6 милиони и 300 илјади денари се обезбедени од Агенцијата за финансиска поддршка на земјоделството и руралниот развој.

Share via
Copy link