Сите училишта во Струмица склучија договори за снабдување со електрична енергија со ЕСМ по цена од 95 евра за мегаватчас

Согласно Одлуката на Владата на Република Северна Македонија од 30 октомври годинава, за преземање мерки во услови на постоење кризна состојба во снабдувањето со електрична енергија, сите основни и средни училишта од општина Струмица поднесоа документи во предвидениот рок и склучија договори за снабдување со електрична енергија со ЕСМ Продажба ДООЕЛ, по цена од 95 евра за мегаватчас.

Според градоначалникот Костадин Костадинов, оваа цена е мошне половна за училиштата, но во однос на анализите и споредбите сепак треба да помине време.

-Уште не е поминат првиот месец за да ја видиме и првата фактура, но убеден сум дека ќе имаме големи генерирани заштеди, но за подетални информации ќе мора да ги добиеме фактурите, да седнеме со директорите и да ги видиме резултатите од мерката, рече струмичкиот градоначалник.