Струмичките пожарникари втор ден по ред го снабдуваат со вода селото Мемешли

Заради пресушување на бунарите во селото Мемешли, втор ден по ред струмичките пожарникари со цистерна ги снабдуваат со вода тамошните жители.

Според командирот на ТППЕ Струмица, Александар Гудев, жителите доставиле барање до Општина Струмица за да добијат вода за одржување хигиена и напојување на стоката.

-Водата не е за пиење, туку за лични потреби и за напојување на стоката. Со вода за пиење се снабдуваат од извори, а со доставување на вода ќе продолжиме се додека има потреба од тоа, изјави Гудев.

Во Мемешли живеат околу педесетина жители од турската национална заедница.