Филипче: Од понеделник почнува теренска вакцинација низ државата

Од понеделник почнува теренска вакцинација низ државата. Денеска на работниот состанок со директорите на Здравствените домови и членовите на Националната работна група за ковид 19 вакцинација, ги утврдивме насоките за организација, а Здравствените домови до петок треба да изготват план и организација за секој ден, време и место на теренската вакцинација. На граѓаните ќе им биде овозможено да се вакцинираат и ревакцинираат на мобилните пунктови, објави министерот за здравство, Венко Филипче.