Прием кај градоначалникот Костадинов за учениците кои освоија многу признанија на Гастро фестивал „Ниш 2022“

Градоначалникот Костадин Костадинов денеска организираше прием за членовите на екипата од паралелката за угостителство и туризам во СОУ „Димитар Влахов“ од Струмица која на меѓународниот гастро фестивал „Ниш 2022“ во Србија освоија 16 медали и 5 пехари во повеќе категории.

На приемот разговараа за содржините на натпреварот, за стекнатото искуство, но и за силната конкуренција од 300 учесници од 9 држави.

Градоначалникот Костадинов посебно ја нагласи својата гордост што овие високи меѓународни награди се освоени од првата генерација ученици во паралелката за угостителство и туризам во СОУ „Димитар Влахов“, што значи стручното образование, за кое тој е голем поддржувач, ќе даде силен влог во локалниот економски развој.