Во Дојран почна изградбата на новата пречистителна станица

Започна изградбата на најбитниот еколошки проект за Дојран-изградбата на новата пречистителна станица, објави градоначалникот Анго Ангов.

-По надминување на сите имотно-правни и административни проблеми, конечно започна изградбата на нова пречистителна станица за третман на отпадните води, децениски проблем кој го мачеше Дојран и со овој еколошко-капитален проект ја решаваме најголемата проблематика за заштита на Дојранското Езеро.Средствата во износ од 188 милиони денари за изградба на новата пречистителна станица и санација на колекторскиот систем се обезбедени со одлука на Влада од 2020, 2021 и 2023 година заедно со Министерството за животна средина и просторно планирање, како и дополнителните 78 милиони од Словенска амбасада во соработка со невладината организација “Милиеуконтакт”, напиша градоначалникот на Дојран.