Брера Струмица денеска гостува кај шампионот Струга ТЛ

Денеска од 17 часoт на Градскиот стадион во Струга, ќе се одигра последниот меч од 3.коло во ПМФЛ. Струга ТЛ ја дочекува Брера Струмица, двете екипи со најдобри одбрани досега и без пораз во актуелната кампања во мак-фудбалот.

Клубот на нашата легенда Горан Пандев имаше одличен старт на првенството и со две победи од два натпревари е на самиот врв на прволигашката табелата, но до овој ефект стигна со две домашни победи против новите прволигаши Вардар и Воска.

За струмичани денешниот натпревар ќе биде вистински предизвик со оглед на тоа дека за противник го имаат шампионот на Македонија и екипата која игра одлично во фудбалска Европа ова лето, Струга Трим Лум.