Ципрас и Заев на гости кај Костадинов
Вечерва градоначалникот на Струмица, Костадин Костадинов, имаше голема чест и задоволство во неговиот кабинет да ги пречека поранешните премиери Алексис Ципрас и Зоран Заев, информираа од Општина Струмица.
Двајца поранешни лидери кои ги кренаа рампите меѓу Северна Македонија и Грција и трасираа пат на пријателство, разбирање, меѓусебна почит, ги зближија двата народи и ја зајакнаа севкупната соработка меѓу двете држави.
Во кабинетот, во кој цели три мандати помина поранешниот премиер Зоран Заев, со Ципрас и Зоран Заев градоначалникот разговараше за функционирањето на Општината, нејзиниот развој, новите предизвици и состојби во државата и регионот.
-Прекрасно е чувството кога разговараш со храбри и одлучни политичари и кога си на иста линија со нив, бидејќи само така можеш да обезбедиш сигурна иднина за граѓаните, општината и државата, порача градоначалникот Костадинов.
