Двајца повредени по излетување на автомобил кај Јосифово

На 12.03.2022 во 06.50 часот било пријавено дека на регионален пат кај село Јосифово, валандовско, патничко возило „пежо“, со струмички регистарски ознаки, управувано од И.К.(31) од село Раброво, валандовско, излетало надвор од коловозот, информираа од МВР.

Во несреќата, со тешки телесни повреди се здобил сопатникот И.М.(32) од Валандово, а со телесни повреди се здобил сопатникот П.П.(25) од Гевгелија, констатирани во Општата болница во Гевгелија.

Бил извршен увид од увидна екипа од Полициската станица Валандово.