Едно лице загина во пожар во куќа во Струмица

Синоќа во 20:54 часот во Полициска станица Струмица било пријавено дека настанал пожар во куќа сопственост на А.Е.(63) на улица „Пиринска“ во Струмица, во која било пронајдено и едно починато лице, информираше портпаролката на СВР Струмица, Александра Трајанова.

Во гаснењето на пожарот, кој избувнал на покривот на куќата, учествувапе 3 против пожарни возила и 9 пожарникари,кои успеале за еден час да го ликвидираат пожарот.

Увид на местото на пожарот ќе биде извршен во текот на денешниот ден од страна на Јавен обвинител од ОЈО Струмица.