Едно лице загина во сообраќајка на излезот од Дабиле

Едно лице на 47 годишна возраст загина во сообраќајна несреќа што се случи вечерва околу 21:30 часот на излезот од село Дабиле, пред крстосницата за Робово.

Според информациите од портпаролката на СВР Струмица, Александра Трајанова, во несреќата учествувале автомобили „фиат браво“ и „мерцедес“, а починатиот е возач на „мерцедесот“.

Од полицијата повеќе детали за несреќата најавуваат за утре.

Фото: архива