Излезе вториот трејлер од документарниот филм „Се извинувам, Кежаровски тука живее“ од авторот Миле Бошњаковски

Ви го споделуваме вториот трејлер (https://youtu.be/WCAKqLac5aQ) од документарниот филм „Се извинувам, Кежаровски тука живее“ од авторот Миле Бошњаковски.

Документарниот филм е хронолошко сведоштво на новинарот Томислав Кежаровски за настаните кои му претходат на неговото брутално приведување, судски процес и затворска казна. Во филмот е поместено неговото сведоштво на настаните кои се случуваат додека тој е на издржување на затворската казна вклучително и поддршката од неговите колеги медиумските работници.

Филмот е сниман во 2023 и дел во 2024 година односно после 5 години од заокружување на голготата наречена „Случајот Ореше – новинарски натпис во кој се открива заштитен сведок на Кежаровски“.

-Во првиот трејлер (https://youtu.be/zzoeOQ42YXg) имавте можност да погледнете мал фрагмент посветен на тогашната јавна обвинителка Лиле Стефанова која го водеше процесот, а вториот трејлер ви го пренесуваме делот во кој Кежаровски се враќа во КПУ затвор Скопје во Шуто Оризари за потребите на снимање на документарниот филм, стои во соопштението испратено до медиумите.