Општина Радовиш уредува паркинг простор за превоз на учениците

Во Радовиш почна уредувањето на нов паркинг простор за потребите на училишниот и општинскиот линиски превоз, информира градоначалникот Герасим Конзулов.

-Со изведбата на паркингот, кој е во непосредна близина на СОУ „Коста Сусинов“, ќе се зголеми безбедноста во сообраќајот пред училиштето и ќе се заштитат учениците кои користат организиран училишен превоз, додаде градоначалникот Конзулов.