Полициски билтен:радовишанец агресивно се однесувал кон полицајци, физички напади

На 22.10.2024 во 23.25 часот во Радовиш полициски службеници од СВР Струмица – ОВР Радовиш го лишиле од слобода А.А.(34) од Радовиш, затоа што агресивно се однесувал кон полициски службеници кои извршувале службени задачи. Лицето било задржано во Полициската станица Радовиш, за настанот бил запознаен јавен обвинител од Основното јавно обвинителство Радовиш и по целосно документирање на случајот ќе биде поднесена соодветна пријава.

На 23.10.2024 во Полициската станица Радовиш Д.А.(18) од село Конче, општина Конче, пријавил дека на 22.10.2024 околу 23.40 часот на место викано „Крст чукаси“, атар на село Конче, бил физички нападнат од Е.О.(41) и И.О.(25) од село Конче и Ѓ.С.(32) од село Ангелци, струмичко. По целосно расчистување на случајот ќе биде поднесена соодветна пријава.

На 22.10.2024 во 22.05 часот во Полициската станица Радовиш Л.Т.(45) од Радовиш пријавил дека на ул. „1-ви Мај“ во Радовиш малолетниот син на пријавителот бил физички нападнат од друго малолетно лице. Се преземаат мерки за расчистување на случајот.

На 22.10.2024 во 23.30 часот во Полициската станица Струмица Ѓ.П.(24) од село Ангелци, струмичко, пријавил дека околу 21.00 часот во село Ангелци бил физички нападнат од Д.Н.. Полициската станица Струмица презема мерки за расчистување на сллучајот.