Попладна нестабилно со пороен дожд и грмежи

Утрово 1 степен во Берово, 2 Лазарополе, Попова Шапка, 3 Маврови Анови, 4 Скопје-Петровец, Крушево, 6 Штип, Тетово, Крива Паланка, 7 Охрид, Струмица, Демир Капија, Претор, 8 Скопје-Зајчев Рид, Битола, Куманово, Виница, 10 Прилеп, Гевгелија, 12 Дојран.   

Во текот на ноќта и утрово времето беше променливо облачно. Дува слаб до умерен ветер претежно од променлив правец.

Денеска претпладне сончево со мала до умерена облачност, а попладне на места нестабилно со локален пороен дожд и грмежи. Ќе дува слаб до умерен ветер од северозападен правец. Максималната температура ќе биде во интервал од 14 до 21 степен. Во Битола до 18 степени.