fbpx

Се поставува енергетски ефикасно осветлување во Турското маало

 Се поставува енергетски ефикасно осветлување во Турското маало

На улиците „5 ноември“, потег од пресек со улица „Крушевска Република“ до улица „Бетовенова“ и улицата „Бетовенова“ до пресек со улица „Спиро Захов“се поставуваат нови 33 столбови со модерно и енергетски ефикасно ЛЕД осветлување.

-Висината на грантот е 8,3 илјади евра, а изведувач на проектот е фирмата „Елко –Инг“, а краен рок за изведување на активностите е до крајот на годината, информираше градоначалникот на Струмица, Коста Јаневски, кој изврши увид во поставувањето на новото улично осветлување.

Додаде дека се одобрени дополнителни 2.700 евра за реализација на брзи и интервентни активности за справување со проблемите од Ковид -19 пандемијата, каде преку склучен меморандум за соработка со ромско турското здружение „Хајат“, беа спроведени повеќе активности – редовна дезинфекција на двете населби , чистење на критични точки во двете населби, делење на маски и заштитни средства на граѓаните и информирање и едукација за заштита од Ковид 19.

Средствата за овие зафати во вкупен износ од 11 илјади евра се обезбедени во рамките на Програмата „Ромактед – Промовирање на добро управување и зајакнување на ромите на локално ниво“ и потпишаниот договор за грант меѓу Општина Струмица и Совет на Европа од декември минатата година.

Share via
Copy link