Сообраќаен билтен: велосипедистка и возач потешко повредени во Гевгелија и радовишко

На 25.04.2023 во 15.10 часот во Полициската станица Гевгелија било пријавено дека на улица „Ванчо Прќе“ во Гевгелија, патничко возило „фолксваген лупо“ со гевгелиски регистарски ознаки, управувано од Н.А.(20) од Гевгелија, удрило во велосипед управуван од Т.А.(54) од Гевгелија. 

Во несреќата со тешки телесни повреди се здобила велосипедистката, констатирани во Медицински центар Гевгелија. 

Увид на местото извршила екипа на Одделението за внатрешни работи Гевгелија.

На 26.04.2023 во 00.30 часот во СВР Струмица било пријавено дека на регионален пат Радовиш – село Ораовица, на место викано „Рудина“, В.Г.(46) од село Радичево, општина Василево, управувајки патничко возило „рено клио“ со словенски национални ознаки, изгубил контрола над возилото и излетал од коловозот. 

Во Здравствен дом Радовиш кај возачот биле констатирани тешки телесни повреди, а увид на местото извршила екипа на Одделението за внатрешни работи Радовиш.

Фото: архива