Светиот крст во Струмица го фати Љубе Шопов

Триесетгодишниот Љубе Шопов од Струмица денеска го фати светиот крст во водите на базенот „Аквариус“ во Струмица.

Тој најбргу стигна до крстот по кој скокнаа дваесет граѓани.

Претседателот на Советот на Општина Струмица на Шопов му врачи Плакета-православен крст, а доби и подароци од спонзорите.

Фаќањето на крстот на Шопов му го честиташе и градоначалникот на Струмица, Костадин Костадинов.

-И денеска на големиот празник Водици бевме верни на верата и традицијата.Поголем број верници влегоа во осветените води на базенот ,,Аквариус” за да го фатат крстот, но најбрз меѓу нив беше Љубе Шопов од Струмица.Честитки за Љубе, многу здравје и среќа да има во новото лето Господово.

ХРИСТОС СЕ ЈАВИ! За многу години да ни е празникот, напиша градоначалникот Костадинов.