Тројца повредени во сообраќајка во Баница

На 04.12.2024 во 17.25 часот во СВР Струмица било пријавено дека на регионалниот пат  во село Баница, струмичко, патничко возило „фолксваген пасат“ со струмички регистарски ознаки, управувано од В.С.(38) од село Баница, струмичко, удрило во четири малолетници од Баница, кои во моментот туркале патничко возило „фолксваген пасат“ со струмички регистарски ознаки,  управувано од М.М.(46) од истото село, а потоа удрило во бетонски ѕид.

Во несреќата со тешки телесни повреди се здобиле две малолетнички, а со телесни повреди се здобил возачот В.С., констатирани во Медицинскиот центар Струмица.

Извршен бил увид од увидна екипа од СВР Струмица.