Во Струмица приведени дилери на кокаин од охридско и Радовиш

МВр соопшти дека денеска Секторот за внатрешни работи Струмица до Основното јавно обвинителство Струмица поднел кривична пријава против Р.Р. (30) од село Трпејца, Општина Охрид и Г.А. (39) од Радовиш, поради постоење на сомнение дека сториле кривично дело „неовластено производство и пуштање во промет на наркотични дроги, психотропни супстанци и прекурзори“, по член 215 од Кривичниот закон.

Вчера во 23:50 часот во дворно место на хотел во Струмица од страна на полициски службеници од СВР Струмица бил извршен преглед над осомничените, при што кај Р.Р. биле пронајдени две, а кај Г.А. едно ќесе со кокаин.
Лицата биле лишени од слобода и задржани во Полициската станица Струмица, а за настанот бил запознаен Јавен обвинител од Основното јавно обвинителство Струмица.

Денеска, пак, полициски службеници од Одделението за внатрешни работи Радовиш, постапувајќи по судска наредба, извршиле претрес во домот во кој престојува Р.Р. во Радовиш, при што била пронајдена дигитална вага со остатоци од бела прашкаста материја.
Лицата се изведени пред Судија на претходна постапка од Основен суд Струмица.