Живко Груевски: Добро платени „актери“ сеат страв и збунетост кај народот против Еуромакс

Комерцијална ПР објава

Од компанијата „Еуромакс Ресоурцес“ го честитаа Денот на рударите и дадоа  признание за макотрпната работа на сите рудари, но истовремено потсетија и на како што велат организираната хајка и напад против  рударскиот сектор во Македонија. Директорот  за комуникации и односи со јавноста во Еуромакс, Живко Груевски, во Дневникот на Сител ТВ изјави дека перманентните напади врз рудникот Иловица – Штука се резултат на добро организирани хибридни активности и платени „актери“ кои имаат за цел со лажни информации  да сеат страв и паника кај населението.

„За жал, овогодинешното прославување на Денот на рударите означува една организирана хајка и организиран напад против рударската индустрија во нашата држава, нешто што започна како организирана хајка под слоганите „Рудници на смртта„ и Спас за југоистокот. Започна уште во втората половина на 2016 година во Гевгелија, Валандово, Струмица и кулминира овие денови во една хистерија во јавноста околу т.н “Рудници на смртта“. Според мене се работи за една навистина добро организирана хибридна активност, блендирани економски и политички интереси, концентрирани и подготвени во и надвор од нашата држава, а спроведени од неколкумина добро мотивирани, добро платени актери, кои што имаат задача да го спроведат тоа и да сеат страв, да сеат една збунетост кај народот“, изјави Груевски.

Иловица е рудник од 21 -от век и претставува „role model“ на рударски комплекс со највисоки стандарди за работа и заштита на животната средина.

„Небулозен е слоганот „Рудници на смртта“ кој што го користат еко активистите, затоа што и ние сме против екогеноцид, против загадување на почвата, подземните и надземните води и против уништување на земјоделието, против цијанид и други токсични материи“, вели Груевски, кој уште еднаш повтори дека проектот за изградба на рудникот „Иловица“ е пример како треба да изгледа современ рударски комплекс кој ги применува сите најмодерни рударски стандарди за заштита на животната средина и здравјето и ќе ги применува сите најнови технологии.

„Жалам што во последно време извесен број на политичари, политички фактори, локални тела и за жал некои претставници од црквата кои јавно агитираа, подлегнаа на овие хибридни активности и сеење на дезинформации, но не е крај на светот. Ние и понатаму ќе продолжиме да ја кажуваме  вистината и ќе продолжиме да работиме трпеливо и транспарентно и сигурен сум дека ќе успееме народот да не сфати, а овие мои претходно критички зборови против еко – активистите никако не смеат да се разберат дека се генерален атак на граѓанскиот еко – активизам во целина, а уште помалку на граѓаните кои што реагираат и ги поддржуваат ваквите одлуки против рудниците. Ги разбирам, тие се искрено загрижени и збунети од овие дезинформации, вели Груевски.

Цијанид нема и нема да има

„Прво мора да почнеме и да веруваме на системот и на државата. Македонија во дадениот случај има поставено многу високи стандарди.  Јас 100 илјади пати сум кажал дека нема да се користи цијанид во нашата технологија, а тие сеуште се глуви на тоа, а не може ни законски да се употребува, никоја институција не може да ни го дозволи тоа, затоа што со промена на законот тоа е исклучено. Небулозно е тоа, но , ние сме тука да одговараме и со конструктивна дебата да ги прикажуваме сите работи такви какви што се, но тука ги вклучуваме и научните кадри и експертите. Тие се тие кои треба да докажуваат и укажуваат, не јас, затоа што јас не сум експерт. Трибини биле организирани и ќе се организираат секогаш. Ние понудивме  и формирање независно мониторинг тело, по сугестија на германски институт, кое  би функционирало од подготовките, од почетокот на изградба на рудникот, па се до процесот на експлоатација, каде директно ќе учествуваат претставници од народот, граѓанскиот сектор, локалните тела вели Груевски“..

Одлуката на Владата за Иловица е скандалозна, а неколку министри имаа трагикомичен политички театар

Нашиот приод останува реализација на рудникот, секако опцијата за арбитража е подготвена, но таа ќе биде во крајна нужда, изјави  Живко Груевски, директор за комуникации и односи со јавноста во Еуромакс во Дневникот на Сител ТВ, по последното решение на Владата со кое  се повлекува претходно донесената одлука за спојување на концесиите.

„Се работи за две концесии кои што треба да се спојат во една целина, затоа што истражувањата покажуваат дека само еден рударски комплекс како една функционално интегрирана целина е можно да се направи и со тоа се поставува, со тоа барање за спојување се дефинира.  Тоа и судот по втор пат го пресуди, се работи за едно претходно право на концесионерот од кое зависат сите други понатамошни активности кои треба да се преземат.

Токму затоа тоа е клучно прашање и нашата правна рашомонијада започнува со доставување на тоа  барање во 2016 година за кое дури сега, некаде на четврти  јули беше објавена првата одлука на Владата за спојување на концесијата, па беше објавена во Службен весник , потоа се случи тоа што се случи и за мене тоа е скандалозна одлука на Владата. Се направи еден трагикомичен политички театар на неколку од министрите од Владата и се дојде до таа одлука да се повлече таа претходна одлука за спојување, не знам на кој основ. Во секој случај нашите правни експерти поднесоа тужба во законскиот рок, вели Груевски.

Не сакаме, но ако одиме на Арбитража ќе добиеме, а Македонија ќе треба да плаќа отштета од една милијарда евра

„Фрапиран сум со каква неподнослива леснотија кај нас политичките фактори реагираат на овие информации за арбитражните постапки против државата . Тоа е сериозна опасност, а нашиот арбитражен просец доколку се стартира,  доколку ние го стартираме како Еуромакс, а подготвен е веќе подолго време сигурен сум во позитивен исход, затоа што нашите странски експерти за арбитража велат дека ова би бил најлесниот  случај што сигурно би го добиле, а зборуваме за вредност од повеќе од една милијарда евра и тоа ќе биде фрапантен износ за државата  како отштетни побарувања, и не би сакал да звучи како некоја закана, но реалноста и одговорноста моја должност е да опоменам и на укажам на фактот дека доколку ваквиот случај заврши позитивно за нас на суд, тоа не само што ќе покрене политичка одговорност, туку ќе покрене и друг вид на одговорност на сите вклучени актери во тој процес со носење на одлуки погрешни и незаконски или со неносење одлуки или непостапување на така како што треба, вели Груевски.

Не е точно дека со влегувањето на Еколог во Еуромакс има политичко судска спрега со влијание на одлуките на Управниот суд, тврди Груевски

„Јас често слушам во изминатиот период како дел од тој вокабулар на хистерија и обвинувањата дека ова била прва пресуда на Управниот суд која ние сме ја добиле веднаш по влегувањето (како што тие велат и за жал ноторна манипулација) на Еколог во Еуромакс.

Апсолутно тоа не е точно затоа што нашите административни процеси почнаа и ние имаме подигнато до сега три, и сега четири процеси. Од тие три процеси на суд, два се веќе завршени со правосилни пресуди во корист на Еуромакс, првата правосилна пресуда во корист на Еуромакс Ресурсис е донесена во 2020 година, тоа значи повеќе од три години пред новиот инвеститор да биде дел од нашата инвестициска групација. Така да тоа е дел од тие манипулации, апсолутно неточни податоци кои што имаат смислено да создаваат таков неред.

Инаку, Еуромакс Рисорсис е проектна компанија регистрирана во Ванкувер Канада , што значи подлегнува на сите строги принципи на работа на берзанска компанија. Во мултинационалната структура на капиталот на Еуромакс Рисорсис, се уште водечки инвеститор е Галена ресорс Еквитис, која е под директна контрола на Трафигура , потоа хеч фонд од Њујорк, потоа ЕБОР, која е најголем институционален инвеститор во Македонија. Најновиот инвеститор кој се приклучи на оваа група е ЕнДи групацијата од Холандија, а Еколог е една од компанијата кои припаѓаат на НД групацијата која е успешна компанија. Јас со повеќе од 35 години искуство во меѓународниот бизнис и финансии во дипломатијата и академската активност, имам посебно задоволство и гордост што соработувам со НД групацијата затоа што нивната врска со Македонија е нешто што може да биде само дополнителен квалитет, истакна Груевски.