Работнички од Скопје победник на турнирот на Наковски волеј

Одбојкарките на Работнички од Скопје се победници на Меморијалниот турнир во чест на долгогодишниот спортски работник Илија Караманов, што и годинава во Струмица успешно го организираше Наковски волеј од Струмица. Иако од меѓународен карактер, поради состојбата со Ковидот, на турнирот годинава учествуваа само тимови од Македонија.

„Годинава учествуваа екипи од Скопје и од Струмица. Првото место на турнирот го освои Работнички од Скопје, втората позиција се пласираше мојата екипа Наковски волеј и бронзата ја освои Виктори волеј од Струмица. Лани поради Ковид пандемијата турнирот не се одржа, додека годинава беше причина екипата од Србија да го откаже учеството, но благодарни сме до спонзорите што овозможија годинава да продолжиме со организирање на традиционалниот турнир“, вели претседателот на клубот Хари Наковски.

Меѓу спонзорите на турнирот и годинава беше Еуромакс Ресоурцис, долгогодишен поддржувач на одбојкарките на Наковски Волеј, кои во сезоната 2020/21 во сите младински категории настапија на завршниот Final four турнир. Лани сениорската екипа беше третопласирана во Прва Државна лига на Република Северна Македонија и го освоија првиот медал на Купот на Република Северна Македонија.

(комерцијална објава)