Честитка од градоначалникот Коста Јаневски по повод празникот Курбан Бајрам

Почитувани сограѓани од исламска вероисповед,

Курбан Бајрам, еден од двата најголеми празника во исламската вера, и годинава е убава можност за сите Вас, да останете верни на духовната традиција и да ги покажете на дело љубовта, разбирањето и милосрдието како највисоки човекови вредности.

Овој Ваш празник како олицетворение на солидарноста, нека ве води кон остварувањето на Вашите цели, а тоа се: почитта, духовниот мир, простувањето, хармонијата меѓу луѓето, хуманоста и толерантноста. 

Ви го честитам Курбан Бајрам со желба за добро здравје, спокоен живот и семејна благосостојба. Нека ви е вечно празнувањето.