Црвен крст Струмица ги почнаа интервјуата за негуватели на стари лица и лица со попреченост за Радовиш, Валандово и Гевгелија

Денеска е реализирано интервју со 15 пријавени кандидати во Црвен крст Радовиш за втор циклус обуки за негуватели на стари лица и лица со попреченост, финансирани од Австриска агенција за развој, Австриски Црвен крст и Швајцарски Црвен крст.

Со вториот циклус обуки ќе бидат избрани вкупно 15 кандидати од општините Радовиш, Валандово и Гевгелија кои ќе посетуваат обука за негуватели на стари лица и лица со попреченост.

Обуките ќе се одржуваат во просториите на Општинската организација на Црвен крст Струмица.

Интервјуата продолжуваат утре со пријавените кандидати во Гевгелија и Валандово.