Од 18 до 24 јули патувачкото кино на „МакеДокс“ ќе биде во струмичкиот регион

Патувачкото кино на „МакеДокс“ в понеделник го започнува тринаесеттото патување кое ќе се одржи во два дела. Првиот дел од 18 до 24 јули ќе се реализира во Струмичкиот регион, додека вториот дел е во септември во Преспанскиот регион.

Од „МакеДокс“ посочуваат дека проекциите во понеделник ќе започнат во селото Пиперево, по што Патувачкото кино ќе продолжи во Вељуса (19 јули) во Моноспитово –21 јули, во Босилово (22 јули) и Габрово (23 јули).

Сите проекции се бесплатни и ќе започнат во 21 часот.

Патувачкото кино е поддржано од Агенцијата за филм, Националната фондација за демократија од Вашингтон и општините Струмица, Босилово и Василево.