fbpx

Соопштение на Општина Ново Село за пожарот на депонија „Солена Река“

 Соопштение на Општина Ново Село за пожарот на депонија „Солена Река“

Почитувани,

Општина Ново Село во соработка со ЈПКД „Комуна“ Ново Село и ПП Единица Ново Село се на терен веќе неколку дена, и прават реални напори за гаснење на пожарот кој избувна на депонијата, и во моментот е под контрола. Екипите се се уште на терен и ќе ја следат ситуацијата.

Општина Ново Село во повеќе наврати упатуваше апел до граѓаните да бидат совесни и да не го палат ѓубрето на депонијата „Солена Река“ во Ново Село, меѓутоа одредени несовесни граѓани и понатаму продолжуваат да го прават тоа, создавајќи опасност и загадување на воздухот.

Општината уште еднаш упатува голем апел до граѓаните, да бидат претпазливи и одговорни кога се движат во предели каде има лесно запаливи материјали, а особено во пределот на депонијата, која поради положбата на теренот е напорно да се контролира.

ЈПКД „Комуна“ Ново Село, почнувајќи од денеска, ќе постави чуварска служба на депонијата за да се избегнат идни несакани појави.

Share via
Copy link