fbpx

Во Богданци ќе нема повеќе излевање на фекалии во реката Луда Мара

 Во Богданци ќе нема повеќе излевање на фекалии во реката Луда Мара

Општина Богданци го реши проблемот со мешањето на фекалните и атмосферските води кои се излеваа во реката Луда Мара заради затнување на колекторскиот систем од наноси, при секои обилни врнежи.

Деновиве, ангажираната фирма по распишаниот тендер која понуди најниска цена – ,,Вод Вар Инженеринг ’’ од Скопје, ги заврши активностите за изградба на атмосферска канализација на улицата ,,Петар Мусев’’ како и со реконструкција на дел од колекторскиот систем со што се решава децениски проблем за заштита на животната средина.

Согласно проектот, изведена е нова атмосферска канализација и реконструкција на колекторскиот систем во должина од 420 метри при што атмосферските води ќе се излеваат во реката Луда Мара додека фекалните ќе завршуваат во колекторскиот систем. Целиот проект е реализиран со средства на општина Богданци во висина од милион и 970 илјади денари.

Со реализација на овој проект се решава повеќегодишен проблем не само за жителите на ул ,,Петар Мусев’’ туку за сите жители на Богданци односно за цела локална заедница.  Приоритетни цели на општината се заштита на животната средина и решавање на сите инфраструктурни проблеми детектирани од самите граѓани.

Релизцијата на овој проект е од Програмата за уредување на градежно земјиште во општина Богданци за 2020 година на предлог на граѓаните а општината пред извесен период изврши и машинско чистење на речното корито на Луда Мара од земја трска и друга вегетација.

Извор: Општина Богданци

Share via
Copy link