Во Струмица поставени нови контејнери за електронски отпад, во старите се фрлало се и сешто

-Општина Струмица во соработка „Нула Отпад“ ДОО Скопје изврши промена на веќе воспоставениот организиран систем за собирање електронски и електричен отпад и отпадни батерии со нови контејнери за електронски отпад, бидејки старите ја немаат својата функција и во нив се фрлаше секаков вид на отпад, соопоштија од Општината.

Контејнерите се поставени на нови дванаесет локации низ градот:

ОУ Сандо Масев –ул.Моша Пијаде бр.8, ОУ Видое Подгорец – ул.Први Мај бр.34, ОУ Никола Вапцаров – ул. Ценка Павлова бр.1, ОУ Маршал Тито – ул. Кирил и Методиј бр.26, СОУ Јане Сандански – ул. Моша Пијаде бр.2, СОУ Никола Карев – ул.Маршал Тито 170, СОУ Димитар Влахов ул. Гоце Делчев бр.17, Градинка Виножито ул.Атанас Јанев бр.6, зграда на Дом на АРМ ул. Благој Јанков Мучето бб, Зграда на Општина Струмица ул. Сандо Масев бр.1, Градинка Детска Радост ул Младинска бр.1, Градинка Детска радост (клон 6) ул. Малдинска бр.122.

Од Општината апелираат до граѓаните правилно да го одлагаат електронскиот отпад во овие контењери. На самите контејнери има упатство за користење, како и кои видови електричен и електронски отпад и батерии може да се депонираат во нив.

Општина Струмица паралелно на овие активности изврши и едукација на учениците и наставниот кадар од основните училишта за правилно селектирање на отпад и чување на постоечката опрема за селектирање во училиштата.