Жан Дрвошанов кандидат за градоначалник на Струмица од ВМРО ДПМНЕ

На еден ден пред истекот на рокот за пријавување на кандидати за градоначалници до општинските изборни комисии, ВМРО ДПМНЕ одлучи за да го кандидира Жан Дрвошанов за градоначалник на Струмица на изборите кои ќе се одржат на 17 октомври.

Дрвошанов е актуелен претседател на ОК ВМРО ДПМНЕ во Струмица и е сопственик на сметководствено биро.

Тој ќе му се спротивстави на кандидатот на СДСМ за градоначалник на Струмица, Костадин Костадинов.

Неофицијално листата на советници на опозициската партија ќе ја предводи д-р Никола Маџунков, а на СДСМ, актуелниот претседател на разгранокот на владеачката партија во Струмица, Марјан Даскаловски.

Инаку, до денеска до 13 часот во шесте општини од Струмичко и Радовишко се поднесени само две листи на советници до Општинските изборни комисии во Конче и Радовиш, а рокот за поднесување е утре до 24 часот.