Старец потешко повреден во Муртино откако го удрил автомобил

СВР Струмица соопшти дека вчера во 12:00 часот во Полициската станица Струмица било пријавено дека во село Муртино, струмичко, патничко возило „цитроен“ со струмички регистарски ознаки, управувано од Б.Б.(23) од село Банско, струмичко, удрило во пешакот М.З.(85) од село Муртино, струмичко.

Во несреќата со тешки телесни повреди се здобил пешакот, констатирани во Медицински центар Струмица, а увид на местото извршила екипа на Полициската станица Струмица.